暫時睇淡GCL-Poly保利協鑫(3800)

匿名俠一直對GCL-Poly保利協鑫(3800)抱少少懷疑態度. 公司2011年業績遜預期.

"GCL-Poly保利協鑫期內生產約29,414公噸多晶硅，年增64.8%。去年12月硅片年產能達到8吉瓦。期內已生產約4,488兆瓦硅片，年增2.2倍。平均多晶硅生產成本減少24.7%至每公斤161.7元。平均硅片生產成本約為每瓦3.33元，減少22.6%。多晶硅及硅片的平均售價分別約370.8元及每瓦4.2港元，分別按年跌9.3%及33.54%"

睇番佢公司報告:
http://www.gcl-poly.com.hk/attachment/2012031518371817_tc.pdf

2011保利協鑫(3800)多晶硅平均售价係 47.7（美元/公斤）
但係2012年全球巿價係大約35（美元/公斤）=> 仲跌緊
That is, 2012年上半年利潤將大跌

2011保利協鑫(3800)多晶硅生产成本係20.8（美元/公斤）
匿名俠對此數據有D懷疑:
另一美國上巿同業LDK Solar (規模差唔多, 多晶硅規模細D) 2011年第三季度Earnings Conference Call上透露LDK多晶硅生产成本係40幾（美元/公斤）, 無理由差咁多. 事實上, 匿名俠知道LDK係廢D, 但係唔係真係廢咁多呢? 匿名俠記得以前睇有關行業報告時, 多晶硅生产原材料價格係一兩年前最平係25（美元/公斤）, 原材料價格有無跌得咁快? 再加上昂貴的燃料成本及機器折舊, 20.8（美元/公斤）唔係咁可信, 或在定義上有誤導成份.  即使可信, 亦無mud再下跌空間.

另一問題係保利協鑫多晶硅係backdoor listing上巿, 即無通過一般上巿審查.  两三年前, 啊朱XX主席高價(約270億港元)將私人資產注入公司. 當時多晶硅係係最高水平, 資產價格無可能值咁多, 此交易好有"老千"味道. 匿名俠唔記得當時啊朱XX主席當時袋左幾多億現金入佢私人戶口. 問題係, 假設保利協鑫多晶硅比主要竟爭對手LDK Solar勁咁多, 無理由當時朱XX主席會賣股份? (that's the common "selling lemon" problem I am referring to in economics)
再者, 保利協鑫(3800)存貨大幅增加近三倍,  應收帳大幅增加近三倍, 大幅超過收入增長. 表示業績可能進一步存在水份. 另外, 保利協鑫(3800)亦持續有唔少關連公司交易及業務往來, 隨時繼續益"某人"荷包.
不過, 保利協鑫(3800)乃行業龍頭, 憑"某人"與官員良好關係, 應繼續受國家重點扶持. 另中投及不少基金持有該股, 應有足夠monitoring, 不會淪會為老千股.  匿名俠認為跌到1.80以下(中投入股價)先可慢慢考慮.

其他大行報告作參考:

高盛表示，協鑫<03800.HK>太陽能業務的收入及毛利率均遜預期，主要是晶圓的低銷售均價，局部抵消單位成本結勝預期之影響。然而，公司降低成本的進展比想像中好，另有明確發展路線，繼續整合太陽能上游業務，槓桿比率有望年內重點改善。 維持「買入」評級，目標價2.8元，潛在上升空間12%。

花旗認為，由於多晶硅價格下降，協鑫<03800.HK>去年下半年盈利薄弱，較市場共識遜18%。保利協鑫正利用其成本及資產負債表優勢，以支持重點客戶，以試圖保持較高的利用率。該行預期，保利協鑫的多晶硅價格今年將面臨更大壓力。鑑於盈利的不確定性和其客戶訂單的不確定性增加，下調保利協鑫目標價，由2.4元下調至2.2元，2012年市賬率1.5倍和市盈率12倍。評級由「中性」調低至「沽售」 。